O VIII ciclo de música relixiosa de San Martiño de Barcia de Mera, foi presentado onte no Balneario de Mondariz. O párroco de Barcia de Mera, Rafael Antela, principal impulsor deste ciclo de música clásica, indicou que "aínda que o elemento central é a música relixiosa, trátase tamén de achegar a música clásica a Barcia de Mera, aproveitando a magnifica acústica da igrexa", e gozar así mesmo da imponente contorna arquitectónica, artística e ambiental na que se desenvolve.