Concerto ao lecer a cargo da Banda de Música Municipal de Valga e da Orquestra Clásica de Valga, formacións nacidas dos grupos de cámara da Escola Municipal de Música de Valga (1996). Desde os seus inicios, ambas agrupacións teñen actuado en numerosos festivais e certames en Galicia, España, Portugal e América.

As dúas formacións están dirixidas por Manuel Villar Touceda, director cunha ampla traxectoria no panorama musical galego, baixo cuxa batuta acadaron recoñecemento nacional e internacional pola súa calidade interpretativa e polas súas propostas innovadoras.