El alcalde de Covelo, Juan Pablo Castillo Amigo, dio la bienvenida a los dos estudiantes universitarios que se incorporan al Ayuntamiento para realizar sus prácticas formativas, una experiencia que les permitirá completar su formación académica al tiempo que conocen de primera mano el funcionamiento de la administración local y la realidad del medio rural.
O Concello de Covelo incorpora dous estudantes universitarios en prácticas a través do programa Campus Rural da Universidade de Vigo.
Lucía Marín Vila e Carlos Manuel Alonso González completarán a súa formación académica nos departamentos de Servizos Sociais e Secretaría-Tesourería, reforzando o labor municipal durante os próximos meses.
O alcalde de Covelo, Juan Pablo Castillo Amigo, deu a benvida aos dous estudantes universitarios que se incorporan ao Concello para realizar as súas prácticas formativas, unha experiencia que lles permitirá completar a súa formación académica ao tempo que coñecen de primeira man o funcionamento da administración local e a realidade do medio rural.
Por unha banda, Lucía Marín Vila, de 20 anos e natural do Porriño, cursa o Grao en Traballo Social no Campus de Ourense da Universidade de Vigo. A estudante realizará dous meses e medio de prácticas no Departamento de Servizos Sociais do Concello de Covelo a través do programa Campus Rural, colaborando co persoal técnico na atención e desenvolvemento das diferentes actuacións que presta este servizo á cidadanía.
Pola súa parte, Carlos Manuel Alonso González, de 26 anos e natural de Tui, está a cursar o Grao en Dirección e Xestión Pública no Campus de Pontevedra. Durante os próximos cinco meses desenvolverá as súas prácticas nas oficinas xerais do Concello, onde colaborará cos departamentos de Secretaría e Tesourería, participando en diferentes tarefas relacionadas coa xestión administrativa e o funcionamento interno da administración municipal.
O alcalde, Juan Pablo Castillo Amigo, destacou a importancia deste tipo de programas, que permiten achegar aos universitarios á realidade dos pequenos concellos e ofrecerlles unha experiencia práctica de gran valor para o seu futuro profesional.
"Para o Concello é unha satisfacción poder colaborar coa Universidade de Vigo e ofrecer aos estudantes a oportunidade de completar a súa formación nunha administración local como a nosa. Ao mesmo tempo, a súa incorporación supón unha importante achega para o traballo diario dos distintos departamentos municipais e contribúe a que a mocidade coñeza de preto as oportunidades e a realidade do noso rural", sinalou o rexedor.
O Concello de Covelo mantén o seu compromiso coa formación práctica do estudantado universitario, participando en programas que favorecen a aprendizaxe, o intercambio de coñecementos e a captación de talento, ao tempo que contribúen a poñer en valor o medio rural como un espazo de oportunidades profesionais e persoais.
Durante a súa estancia en Covelo, ambos estudantes traballarán da man do persoal municipal, adquirindo experiencia en ámbitos directamente relacionados cos seus estudos e contribuíndo ao desenvolvemento dos servizos públicos que presta o Concello.
