13/08/2017
Ruta AQA
Dificultade baixa. Percorrido duns 12 quilómetros. Saída dende a praia fluvial de Maceira ás 09 horas e chegada ao mesmo lugar ás 14 horas aprox.
O percorrido da ruta AQA atravesa un espazo natural condicionado pola presenza da auga, que actuou como modeladora dunha paisaxe de vales e valgadas. Son numerosos os elementos do patrimonio etnográfico presentes ao longo da ruta e relacionados cos usos da auga, como presas e levadas para o rego, fontes e pasos, muíños, todos eles testemuños do íntimo vencello entre os covelenses e a auga ao longo dos séculos.

12/08/2017
Explicación do cruceiro do Cristo dos Aflixidos e visita á Casa Museo Etnográfico �€�Pazo Da Cruz�€�.
Empezaríase a explicación no cruceiro ás 11:00 horas, para logo ir camiñando ata A Hermida onde está situada a Casa Museo �€�Pazo Da Cruz�€�. Alí remataría a visita sobre as 14:00 horas. A entrada ó museo é de 2 euros os adultos e 1 euro os nenos.

06/08/2017
Presentación do libro: "A Graña: unha parroquia singular."
De Xan X. Fernández Carrera, presentado por Javier Berridy.
Domingo 6 de Agosto ás 13:00 h. na Casa Social de A Graña. Con viños
e pinchos para o público.

06/08/2017
Ruta "Pedra do Lobo"
Dificultade media-baixa. Saída dende a praza do Concello ás 10:00 horas e remate as 14:00h. aprox. Principia nas abas de Castro para discorrer paralelo ó río Ponte Piñeiros. No seu percorrido podemos coñecer diversos ecosistemas, coma o bosque de ribeira, as brañas, as matogueiras, os prados e os pequenos bosques. Ademais deste variado patrimonio natural, compre admirar muíños, cruceiros e petróglifos, así como outras manifestacións da relación do ser humano e a natureza.

05/08/2017
Festa da bicicleta. Con agasallos para tódolos participantes.
O sábado día 5 na praza do Mestre Cerviño.
Cunha bicicleta de regalo!!!