17/09/2025
Anuncio do Concello de Covelo Traballos de inspección de limpeza de parcelas no entorno das vivendas - Prevención de incendios forestais
Durante setembro e outubro realizaranse inspeccións das parcelas situadas nas faixas de protección dos núcleos de poboación e vivendas (50 m arredor das casas e parcelas urbanas).

As parcelas deben estar limpas de maleza, piñeiros, eucaliptos, acacias, etc.

Tras as inspeccións, comunicarase aos propietarios catastrais a obriga de cumprir coas tarefas de limpeza segundo a Lei 3/2007 de prevención e defensa de incendios forestais de Galicia.

13/09/2025
XVII Ciclo de Música Relixiosa - San Martiño de Barcia de Mera, concerto de clausura.
Este sábado 13 de setembro ás 20:00 h, na Igrexa de San Martiño de Barcia de Mera, terá lugar o Concerto de Clausura do XVII Ciclo de Música Relixiosa.

06/09/2025
XVII Ciclo de Música Relixiosa 2025- Concerto do 06.09.25
O Concello de Covelo convida a veciños e visitantes a gozar dun concerto moi especial con Guillermo Pastrana, un dos violonchelistas máis recoñecidos do panorama musical actual.

06/09/2025
Volvemos coa Feira de Artesanía e Segunda Man en Covelo.
Sábado, 6 de setembro de 2025
Praza Mestre Cerviño - Covelo

A partir das 10:00 h poderás gozar de postos de, xoiería, horta, panadaría, cosmética natural, xogos, decoración, textil, plantas, cerámica, macramé, cestería e moito máis.

06/09/2025
"Son Animal" de Paco Nogueiras na Praza Mestre Cerviño! O sábado 6 de setembro ás 20:00 h, a Biblioteca de Covelo, dentro do programa Ler Conta Moito da Rede de Bibliotecas de Galicia, trae unha cita moi especial.
Actividade organizada pola Biblioteca Pública Municipal de Covelo coa colaboración da Xunta de Galicia e o Concello de Covelo.